دوو كەس لە بەغدا تاونێكی كوشتنیان ئەنجامدابوو، دوای تێپەڕبوونی چەند كاتژمێرێك لە تاوانەكە لە هەولێر دەستگیركران.
پۆلیسی هەولێر رایگەیاند: لەلایەن بەڕێوەبەرایەتی پۆلیسی بەغدا هەواڵمان پێگەیشت کەوا دوو تۆمەتبار تاوانی کوشتنی کەسێکیان لە بەغدا ئەنجامداوە و ڕایانکردووە بەرەو هەرێمی کوردستان و شاری هەولێر.
راشیگەیاند: دەستبەجێ تیمەکانمان لە بەڕێوەبەرایەتی پۆلیسی پارێزگای هەولێر دەستیان بە لێکۆڵینەوە کرد و توانیمان لە ماوەی چەند کاتژمێرێکی کەم تۆمەتباران دەستگیر بکەین.
پۆلیسی هەولێر هەروەها رایگەیاند: هاووڵاتییان دڵنیا دەکەینەوە کە هەولێر شوێنی داڵدەدانی تۆمەتباران نییە و هەر کەسێک تاوان ئەنجام بدات، لە کەمترین ماوەدا دەستگیر دەکرێ و ڕادەستی یاسا دەکرێت.
کۆمێنت (0)
تا ئێستا هیچ کۆمێنتێک نەکراوە.