بەشی ڕۆشنبیری و ڕاگەیاندنی پارتی دیموکراتی کوردستان بۆنەی (58)ەمین ساڵیادی دەرچوونی ڕۆژنامەی (التاخي) پیرۆز كرد.
ئەمەی خوارەوە دەقی پەیامە پیرۆزباییەكەی بەشی ڕۆشنبیری و ڕاگەیاندنی پارتییە:-
بەڕێزان/ سەرنووسەر و ستافی بەڕێوەبردن و کادیرانی ماڵپەڕی ڕۆژنامەی (التاخي)
لە بیرەوەری (58)ـەمین ساڵیادی دەرچوونی ڕۆژنامەی (التاخي) پیرۆزباییەکی گەرم لە ئێوەی هێژا و خوێنەران و ئاشنایانی ئازیزی ماڵپەڕی ڕۆژنامەکە دەکەین، ئەو ڕۆژنامەیە کە بە بڕیار و ڕێنوێنی (بارزانیی نەمر) دەرچوو، یەکێکە لەو دەسکەوتە گرنگانەی بواری میدیایی بۆ خزمەتگەیاندن بە بواری ڕاگەیاندن بەگشتی.
ئەمڕۆ ڕۆژنامەی ئەلیکترۆنی گرنگی و کاریگەریی خۆی هەیە بەو پێیەی ئامرازێکی بنەڕەتی گەیاندنی هەواڵ و زانیارییە، بەمەش چەندین خەسڵەتی هەیە و لەگەڵ ڕۆژگاری ئەمڕۆماندا گونجاوە، بۆیە پێویستە ڕۆژنامەی (التاخي)یش زیاتر ئەو ڕۆڵەی خۆی ببینێ و بەپێی بنەما ڕاست و دروستەکانی پەیامی خۆی سات بە سات بە خوێنەرانی بگەیەنێت.
بەشی ڕۆشنبیری و ڕاگەیاندنی پارتی دیموکراتی کوردستان
29ی نیسانی 2025
کۆمێنت (0)
تا ئێستا هیچ کۆمێنتێک نەکراوە.