پێشبینی یەكەم رۆژی جەژنی قوربان كرا

پەیمانگای نیشتمانی بۆ تۆژینەوەی فەلەكناسی میسڕی پێشبینی كردووە رۆژی 6/6/2025 یەكەم رۆژی جەژنی قوربانی ئەمساڵ بێت لەنێو وڵاتانی عەرەبی و ئیسلامیدا.

پەیمانگاكە رایگەیاند: پێشبینی دەكرێت رۆژی سێشەممە 27/5/2025 دوایین رۆژی مانگی زولقەعدەی كۆچی بێت، واتە رۆژی 28/5/2025 یەكەم رۆژی مانگی زولحیجە دەبێت.

هەروەها رایگەیاند: بەمەش رۆژی پێنجشەممە ریكەوتی 5/6/2025 رۆژی عەرەفەی حاجییان دەبێت، بۆ رۆژی دواتریش واتە رۆژی هەینی رێكەوتی 6/6/2025، یەكەم رۆژی جەژنی قوربان دەبێت.

پەیمانگای نیشتمانی بۆ تۆژینەوەی فەلەكناسی ئاماژەی بەوەش دا كە بەمشێوەیە بێت تەنیا 40 رۆژ ماوە بۆ جەژنی قوربان.