بەڕێوەبەرایەتی كەشناسی و بوومەلەرزەزانی رەوشی كەشوهەوای ئەمڕۆ هەینی و سبەی شەممەی شارەكانی هەرێمی كوردستانی بڵاو كردەوە، بەگوێرەی راگەیەنراوەكە ئەمڕۆ خۆڵبارین بەردەوام دەبێت و سبەش باران دەبارێت.
كەشناسی سەبارەت بە كەشوهەوای ئەمڕۆ هەینی رایگەیاند: ئاسمان لەنێوان نیمچەهەور و هەوری تەواو دەبێت لەگەڵ بوونی کەمێک تۆزوخۆڵ لە کەشدا، هەروەها پێشبینی نمەبارانێکی کەم دەکرێت لە ناوچە شاخاوییەکاندا .
راشیگەیاند: پلەکانی گەرمای ئەمڕۆ هەینی نزیک دەبێتەوە لە تۆمارەکراوەکانی دوێنێ پێنجشەممە .
سەبارەت بە كەشوهەوای سبەش شەممەش، كەشناسی رایگەیاند: ئاسمان نیمچەهەور بۆ هەوری تەواو دەبێت، لە کاتەکانی دوای نیوەڕۆ نمەباران و بارانی مامناوەند بە پچڕپچڕی دەبارێت، پاشان ڕێژەی دابارین زیاد دەکات لە هەندێک کات و ناوچە دەگۆڕێت بۆ هەورەتریشقە و تاوەبارانی کورت خایەن بە تایبەت لە سنوری ئیدارەی سۆران و ڕاپەڕین.
راشیگەیاند: لە بەرەبەیانی ڕۆژی یەکشەممەی داهاتوو کەشەکە ئاسایی دەبێتەوە و کاریگەری بارانبارین نامێنێت .
كەشناسی هەروەها پلەكانی گەرمای پێشبینیكراوی شارەكانی بەمشێوەی خوارەوە بڵاوكردەوە:
هەولێر: 30 پلەی سیلیزی
سلێمانی: 28 پلەی سیلیزی
دهۆک: 28 پلەی سیلیزی
کەرکووک: 33 پلەی سیلیزی
زاخۆ: 29 پلەی سیلیزی
هەڵەبجە: 28 پلەی سیلیزی
سۆران: 26 پلەی سیلیزی
حاجی ئۆمەران: 18 پلەی سیلیزی
گەرمیان: 36 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.