ئەمڕۆ پێنجشەممە لە قوتابخانەیەكی شاری نانت لە رۆژئاوای فەرەنسا، شەڕ لەنێوان چەند قوتابییەك دروست دەبێت و بەهۆیەوە یەكێكیان دەكوژرێت و سێی دیكەش بریندار دەبن.
رووداوەكە بەیانی ئەمڕۆ لەنێو باڵەخانەی قوتابخانەكە روویداوە، سەرەتا دوو قوتابی هاوڕێ دەبێتە دەمەقاڵێیان و دواتر یەكێكیان بە چەقۆ لە هاوڕێكەی دەدات و دەیكوژێت، هەروەها سێ قوتابی دیكەش بە سەختی بریندار دەكات.
مامۆستا و فەرمانبەرانی قوتابخانەكە قوتابییە هێرشكارەكە قۆڵبەست دەكەن تا ئەو كاتەی هێزەكانی پۆلیس دەگەنە شوێنی رووداوەكە و دەستگیری دەكەن.
هێزەكانی پۆلیس لە لێكۆڵینەوە لە رووداوەكە بەردەوامن و تا ئێستا روون نەبووەتەوە هۆكار و پاڵنەری سەرەكی چی بووە كە قوتابییە هێرشكارەكە ئەم تاوانە ئەنجام بدات.
کۆمێنت (0)
تا ئێستا هیچ کۆمێنتێک نەکراوە.