كۆشكی سپی ئەمەریكا ئاشكرای دەكات، مانگی داهاتوو دۆناڵد ترەمپ سەرۆكی ئەمەریكا سەردانی چەند وڵاتێكی عەرەبی دەكات.
كارۆلین لیڤیت گوتەبێژی كۆشكی سپی ئەمەریكا رایگەیاند: دۆناڵد ترەمپ سەردانی هەریەك لە وڵاتانی سعوودییە، قەتەڕ و ئیماڕات دەكات، سەردانەكەش لەنێوان 13 بۆ 16ی ئایاری داهاتوو دەبێت.
دۆناڵد ترەمپ رۆژی شەممەی داهاتوو یەكەم سەردانی فەرمی بۆ دەرەوەی ئەمەریكا ئەنجام دەدات و بەشدار دەبێت لە مەڕاسیمی بەخاكسپاردنی پاپا فرانسیس پاپای ڤاتیكان.
سەردانی هەریەك لە وڵاتانی سعوودییە و قەتەڕ و ئیماڕات، دەبێتە دووەم سەردانی ترەمپ بۆ دەرەوە دوای دووبارە هەڵبژاردنەوەی بە سەرۆكی ئەمەریكا و وەرگرتنی دەسەڵات لە 20ی كانوونی دووەمی ئەمساڵ.
کۆمێنت (0)
تا ئێستا هیچ کۆمێنتێک نەکراوە.