نرخی زێڕ لە بازاڕەکانی کوردستان دابەزی

سەندیکای زێڕنگەرانی هەولێر نرخی ئەمڕۆی زێڕی لە بازاڕی کوردستان خستەڕوو و مسقاڵێک زێڕی عەیارە 21 بە 675 هەزار دینار مامەڵەی پێوە دەکرێت.

رۆژی دووشەممە 14ـی نیسانی 2025 عەبدوڵا ئەکرەم مستەفا، جێگری سەرۆکی سەندیکای زێڕنگەرانی هەولێر بە دیجیتاڵ میدیای کوردستان تیڤی راگەیاند: "نرخی یەک ئۆنسە زێڕ ئەمڕۆ بە سێ هەزار و 229 دۆلار دەستنیشانکراوە و نرخی دۆلاریش بە 147 هەزار و 100 دینار خەمڵێندراوە".

لەبارەی نرخی ئەمڕۆی زێڕ لە زێڕنگەرییەکانی هەولێر، سەندیکای زێڕنگەران بەم شێوەیە نرخەکانی دەستنیشان کردوە:

یەک مسقاڵ زێڕی عەیارە 24: 770 هەزار دینار

یەک مسقاڵ زێڕی عەیارە 22: 707 هەزار دینار

یەک مسقاڵ زێڕی عەیارە 21: 675 هەزار دینار

یەک مسقاڵ زێڕی عەیارە 18: 578 هەزار دینار