بەرەبەیانی ئەمڕۆ یەكشەممە باندێكی دزی 3 كەسی لە شارۆچەكی خەلیفان دەستگیركران و رەوانەی دادگا كران.
ئاسایشی سۆران بڵاوی كردەوە "لەسەر چەند سکالایەکی هاووڵاتییان، دوای بەدواداچوون وچاودێریکردن و دەستنیشانکردنی شوێنەکانیان و دەرچوونی فەرمانی دەستگیرکردنیان لەلایەن دادوەری لێکۆلینەوەی خلیفان، بەشی خەلیفان ـ بەرێوەبەرایەتی ئاسایشی سۆران توانیان باندێکی دزیکردن کە لە (٣) کەس پێکهاتوون دەستگیربكەن".
بڵاویشی كردەوە "باندەكە كاتژمێر 3ی بەرەبەیانی ئەمڕۆ یەكشەممە دەستگیركراون و ناوەكانیان بریتین لە (ه، ن، ع) و (ن، ف،ح) و (ا،ع، ع)، هەرسێ تۆمەتبارەكە دانیشتووی شارۆچكەی خلیفانن".
هەروەها بڵاوی كردەوە "دوای لێکۆلینەوە و کردنەوەی پەڕاو بۆیان، هەرسێ تۆمەتبارەكە ڕەوانەی دادگای خەلیفان کراون بە مەبەستی گرتنەبەری رێکاری یاسایی".
کۆمێنت (0)
تا ئێستا هیچ کۆمێنتێک نەکراوە.