گوته‌بێژی وەزارەتی پەروەردەی حكوومەتی هەرێمی كوردستان رایگه‌یاند، پشووە فه‌رمییه‌كانی حكوومه‌ت له مانگی چوار و مانگه‌كانی تر نابنە هۆی فەوتانی هیچ تاقیكردنەوەیەك و ڕۆژانی دوای پشووەكان تاقیكردنەوەكان ئەنجام دەدرێن .
ئەمڕۆ دووشەممە 7ـی نیسانی 2025، سامان سیوەیلی گوتەبێژی وەزارەتی پەروەردەی حكوومه‌تی هه‌رێمی كوردستان رایگەیاندووە، پشووی ڕۆژانی چوارشەممەی ئەم هەفتەیە و چوارشەممەی هەفتەی داهاتوو نابێتە هۆی فەوتانی هیچ تاقیكردنەوەیەك و تاقیكردنەوەكان ڕاسته‌وخۆ له رۆژانی دوای پشووەكان ئه‌نجام ده‌درێت .
جێی سه‌ره‌نجه بەپێی خشتەی پشووەكانی حكوومەتی هەرێم بەبۆنەی ساڵڕۆژی ڕووخانی رژێمی بەعس، ڕۆژی چوارشەممەی ئەم هەفتەیە 9ی نیسان و ڕۆژی چوارشەممەی هەفتەی داهاتوو 16ی نیسان بەبۆنەی سەری ساڵی ئێزدییەكان پشووی فەرمی دەبێت لەسەرجەم دامودەزگا حكوومییەكانی هەرێمی كوردستان .
کۆمێنت (0)
تا ئێستا هیچ کۆمێنتێک نەکراوە.