هیام ئه‌لیاسری وه‌زیری گه‌یاندن و په‌یوه‌ندییه‌كانی عێراق به ئاژانسی هه‌واڵی ناوخۆیی عێراقی ڕاگه‌یاندووه ، كاری له‌پیشینه‌یان له ئێستادا ڕاگرتنی ئه‌پلیكه‌یشنی تیك تۆكه .
ئه‌مرۆ شه‌ممه 5ی نیسانی 2025 هیام یاسری وه‌زیری گه‌یاندن و په‌یوه‌ندییه‌كانی حكوومه‌تی عێراق ڕایگه‌یاندووه ، یه‌كێك له‌و پرۆژانه‌ی كه به ڕژدی كاری له‌سه‌ر ده‌كه‌ن ڕاگرتنی ئه‌پی (تیك تۆكه) له ته‌واوی عێراقدا ،چونكه وه‌كو خۆی ده‌ڵێت زیانی زۆری به ئاسایشی كۆمه‌ڵایه‌تی و خێزانی گه‌یاندووه .
هیام یاسری وه‌زیری گه‌یاندن و په‌یوه‌ندییه‌كانی عێراق ئه‌وه‌شی خستووه‌ته‌روو ، بۆ ئه‌و مه‌به‌سته پرۆژه‌یه‌كیان ناردووه بۆ په‌رله‌مانی عێراق تا له‌وێ به شێوه‌یه‌كی یاسایی ده‌نگی له‌سه‌ر بدرێت و بریار له قه‌ده‌غه‌كردنی بدرێت وه ئه‌وانیش وه‌كو لایه‌نی په‌یوه‌ندیدار بریاره‌كه جێبه‌جێ بكه‌ن .
هیام یاسری ڕاشیگه‌یاندووه ، پرۆژه‌كه تا ئیستا نه‌خراوه‌ته به‌رنامه‌ی كاری په‌رله‌مانی عێراق و چاوه‌روانین له داهاتوویه‌كی نزیكدا بریاری له‌باره‌وه بدریت .
هیام یاسری بۆچوونی وایه، تیك تۆك بۆته هۆكاری ترازانی خێزانی عێراقی و تووندوتیژییه‌كانی له‌نێوان تاكه‌كان له خێزان و كۆمه‌ڵگه زیاد كردووه و كاره‌ساتی كۆمه‌ڵایه‌تی لێكه‌وتۆته‌وه .
له ئێستادا چه‌ندین وڵاتی جیهانی وه‌كو ئوسترالیا به فه‌رمی تیك تۆكی قه‌ده‌غه‌كردووه، به‌بیانووی ئه‌وه‌ی كه زیانی زۆری به په‌روه‌رده‌ی خێزان و منداڵان گه‌یاندووه .
کۆمێنت (0)
تا ئێستا هیچ کۆمێنتێک نەکراوە.