ئه‌مڕۆ پێنجشه‌ممه 3-4-2025 ئومێد خۆشناو پارێزگاری هه‌ولێر له والی تایبه‌تی خۆی له تۆڕی كۆمه‌ڵایه‌تی فه‌یس بووك ڕایگه‌یاندووه ، پڕۆژه‌ی دووسایدی ( هه‌ولیر –كۆیه ) به به‌رده‌وامی كاری تێدا ده‌كرێت و به‌خێرایی به‌ڕێوه ده‌چێت .
بە بڕیاری مەسرور بارزانی سەرۆكوەزیرانی هه‌رێمی كوردستان ، بە گوژمەی زیاتر لە ( 560 ملیار دینار) کارکردن لە پرۆژەی دوو سایدی هەولێر – کۆیە دەستی پێکردووە و ڕۆژانە زیاتر لە 100 ئامێری شۆفڵ و گرێدەر و قەڵابە و جۆرەها ئامێری دیكە و ستافی ئەندازیار ، 8 بۆ 10 کاتژمێر كار لەو پڕۆژەیە دەكرێت .
لە ئێستادا قۆناغی یەكەم و دووەم و سێیەمی جێبەجێکراوە و پڕۆژه‌كه لە قۆناغی چوارەم دایە .
جێی سه‌ره‌نجه ، ڕێگاكە 37 كیلۆمەترە و 32 مەتر پان دەبێت و پردێكی بە درێژیی 250 مەتر لەسەری دروست دەكرێت، هەروەها 5 ئۆڤەرپاسیشی تێدا دەبێت .
ئومێد خۆشناو پارێزگاری هه‌ولێر ڕاشیگه‌یاندووه ، بە تەواوبوونی پڕۆژه‌كه ڕێگای دووسایدی نێوان هه‌ولێر –كۆیه دەبێتە ڕێگایەکی ستراتیژی و ئاسانکارییەکی زۆر پێشکەش به شوفێران ده‌كات و هاتووچۆی هاوڵاتییان لە نێوان هەولێر -کۆیە و شاره‌كانی تردا زۆر نزیك ده‌كاته‌وه .
کۆمێنت (0)
تا ئێستا هیچ کۆمێنتێک نەکراوە.