هاتوچۆی هەولێر ئاگاداری شوفێران و هاووڵاتییان دەكاتەوە كە لە سبەی پێنجشەممەوە بۆ ماوەی 10 رۆژ بەشێكی شەقامی خزمەتگوزاری 120 مەتری دادەخرێت.
هاتوچۆی هەولێر رایگەیاند "ئاگاداری شوفێرانی شاری هەولێر دەکەینەوە، بەیانی لە ڕێکەوتی 3/4/2025 بەهۆی کارکردن لە پڕۆژەی ئاوی ئیفراز، شەقامێكی خزمەتگوزاری 120 مەتری خێرا دادەخرێت.
راشیگەیاند "داخستنی شەقامەكە لە گەڕەکی 32ی پارک نزیک کۆمپانیای (opvi) و گۆرەپانی پشکنینی ئۆتۆمبێلی بەڕێوەبەرایەتی هاتوچۆی هەولێر دەبێت".
هاتوچۆی هەولێر ئاماژەی بەوەش دا كە داخستنی شەقامەكە ماوەی 10 ڕۆژ دەخایەنێت.
بۆیە داوای لە شوفێران كرد هاتوچۆ بەم شەقامە نەکەن و شەقامی جێگرەوە بەکار بهێنن تا کاری هەڵکندن و گواستنەوەی بۆڕی ئاوەکە تەواو دەبێت.
جەختیشی كردەوە كە دوای تەواوبوونی کارکردن، هاتوچۆ لە شەقامەکە ئاسایی دەبێتەوە.
کۆمێنت (0)
تا ئێستا هیچ کۆمێنتێک نەکراوە.