شارەزایەكی كەشناسی رایدەگەیەنێت كە شەپۆڵێكی زۆر باشی بارانبارین بەڕێوەیە و تەواوی ناوچەكانی هەرێمی كوردستان دەگرێتەوە، بگرە لە هەندێك شوێن ئەگەری دروستبوونی لافاویش هەیە.
هەڤاڵ سدیق گەڵۆزی شارەزای كەشناسی رایدەگەیەنێت "درەنگانی شەوی هەینی لەسەر شەممە شەپۆڵێکی زۆر باشی تاوەبارانی بەهێز و هەورەبروسکە و تەرزە تەواوی هەرێمی کوردستان دەگرێتەوە، چەقی شەپۆڵەکە دەکەوێته ڕۆژی شەممەوە.
راشیگەیاند: کاریگەری شەپۆڵەکە بە پلەیەک لەسەر ناوچەکانی باشووری هەرێمی كوردستان دەبێت بەتایبەتیش لە کەرکووک و گەرمیان و سلێمانی و هەڵەبجە و ئیدارەی ڕاپەڕین و لە هەندێك لەو ناوچانە پێشبینی دەكرێت 20 بۆ 40 ملم باران ببارێت، بەهەمانشێوە پێبشینی دەكرێت لە هەندێك لەم ناوچانە بەهۆی بارانی بەخوڕەوە لافاو دروست ببێت.
هەروەها رایگەیاند: لە ڕۆژئاوا و باشووری هەولێریش پێشبینی دەكرێت بارانێكی زۆر باش ببارێت كە بەهۆیەوە ڕووبار و بەنداوەکان دەبووژێنەوە و بڕێکی زۆر ئاو دەچێتەوە ناویانەوە .
شارەزاكەی كەشناسی ئاماژەی بەوەش دا كە لە ناوچەكانی باکوری هەولێر و ئیدارەی سۆران و پارێزگای دهۆک و ئیدارەی زاخۆش ئەگەری نمەباران بۆ بارانی مامناوەند هەیە.
سەبارەت بە پلەكانی گەرماش، جەختی كردەوە كە لە ماوەی شەپۆڵەكەدا پلەكانی گەرما 2 تا 3 پلەی سیلیزی دادەبەزن.
گوتیشی كە كاریگەری شەپۆڵەكە تا درەنگانی شەوی شەممە بەردەوام دەبێت و دواتر بەرەو لاوازبوون دەچێت.
کۆمێنت (0)
تا ئێستا هیچ کۆمێنتێک نەکراوە.