وەزارەتی كشتوكاڵ و سەرچاوەكانی ئاوی هەرێمی كورستان ناوی 6 هەزار و 118 فەرمانبەری سەر بە وەزارەتەكەی بڵاو كردەوە كە سوودمەند دەبن لە وەرگرتنی زەوی نیشتەجێبوون.
وەزارەتەكە ئەمڕۆ چوارشەممە بڵاوی كردەوە: دوا بەدواى بڕیارى ئەنجوومەنى وەزیران و دەرچوونى ڕێنماییەكان بە مەبەستى دابەشکردنى زەوى نیشتەجێبوون بەسەر فەرمانبەران و خانەنشینان،
وەزارەتی کشتوکاڵ و سەرچاوەکانی ئاو بڕیاری دا بە پێکهێنانى لێژنەى تایبەت بۆ هەماهەنگى لەگەڵ وەزارەتى شارەوانى بە پێدانى ڕێنمایی بۆ شێوازى پڕکردنەوەى فۆڕمەکان و چۆنیەتى شیکردنەوەى ڕێنماییەکان.
راشیگەیاند: سەرئەنجام لە وەزارەتی کشتوکاڵ و سەرچاوەکانی ئاو 6 هەزار و 118 فەرمانبەر سوودمەند بوون لە وەرگرتنى زەوى بەپێى سنوورى پارێزگاکان و ئیدارە سەربەخۆکان.
هەروەها رایگەیاند: گەڕانەوەى ناوى سوودمەندان لەلایەن وەزارەتى شارەوانى بەپێى کارتى زانیارى بووە، واتە کارتى زانیارى بۆتە بنەما بۆ دابەشکردنى زەوییەکان بەسەر سنوورى پارێزگاکان و ئیدارە سەربەخۆکان.
بۆ بینینی ناوی ئەو فەرمانبەرانەی كە زەوییان بۆ دەرچووە، كلیك لەسەر پارێزگا و ئیدارە سەربەخۆكان بكەن:-
کۆمێنت (0)
تا ئێستا هیچ کۆمێنتێک نەکراوە.