بۆ پشووی رۆژانی جەژن زیاتر لە 76 هەزار گەشتیار روویان لە ناوچە گەشتیارییەكانی پارێزگای هەولێر كردووە، بەڕێوەبەرایەتی گشتیی گەشتوگوزاری هەولێریش دەڵێت، پلانەكانی جەژن وەك خۆی و بە سەركەوتوویی جێبەجێ كران.
بەڕێوەبەرایەتییەكە لە خستنەڕووی ئامارەكانی رۆژانی جەژنی رەمەزانی پیرۆز رایگەیاند: پلانەكان بۆ ڕۆژانی جەژنی ڕەمەزانی پیرۆز وەک چۆن داڕێژرابوو تەواوی بڕگەکانی وەکو خۆی و بە سەرکەوتوویی جێبەجێکران.
راشیگەیاند: پلانە سەرەكییەكان بریتی بوون لە دانانی لیژنەی تایبەت بۆ دابینکردنی خزمەتگوزاری پێویست بۆ گەشتیاران لە بازگەکان، دابەشکردنی ژمارەی تەلەفۆنی لیژنەکان بەسەر گرووپە گەشتیارییەکان بۆ ئەوەی ھاوکاربن بۆ چارەسەرکردنی هەر ڕووداوێك یان گیروگرفتێك، هەروەها پێکھێنانی لێژنەی تایبەت بۆ بەدواداچوون لە ڕەوشی گەشتیاران لە بنکە گەشتیارییەکان بە مەبەستی دڵنیابوون لە پێشکەشکردنی خزمەتگوزاری تەواو بە گەشتیاران لە بنکە گەشتیارییەکان.
بەڕێوەبەرایەتی گشتیی گەشتوگوزاری هەولێر ئاماژەی بەوەش دا كە ژمارەی ئەو گەشییارانەی لە ڕۆژانی 27ی 3 تا 1ی 4 سەردانی هەولێری پایتەختیان کردووە بریتی بووە لە 76 هەزار و 654 گەشتیار.
کۆمێنت (0)
تا ئێستا هیچ کۆمێنتێک نەکراوە.