باڵیۆزخانەی عێراق لە ئەنقەرە ئەمڕۆ چوارشەممە رایگەیاند، سەرۆك وەزیرانی عێراق لە چەند رۆژی داهاتوودا سەردانی توركیا دەكات، جەختیشی كردەوە كە سەردانەكە لەچوارچێوەی بەهێزكردنی پەیوەندییەكانی نێوان هەردوو وڵاتدا دەبێت.
ماجید لجماوی باڵیۆزی عێراق لە ئەنقەرە بە ئاژانسی دەنگوباسی عێراقی راگەیاند: لە چەند رۆژی داهاتوودا محەمەد شیاع سوودانی سەرۆك وەزیرانی عێراق بە یاوەری شاندێك سەردانی توركیا دەكات.
راشیگەیاند: لە سەردانەكەدا سەرۆك وەزیرانی عێراق لەگەڵ بەرپرسانی باڵای توركیا بارودۆخی سیاسیی هەرێمی و ناوچەكە و هەماهەنگی زیاتر لە بواری ئەمنی لەنێوان هەردوو وڵات تاوتوێ دەكات.
هەروەها رایگەیاند: هەر لەو سەردانەدا پتەوكردنی پەیوەندیی ئابووری و بازرگانی و وەربەرهێنان و وزە و گواستنەوە و پڕۆژەی رێگای پەرەپێدان بەشێكی دیكە دەبێت لە تەوەری كۆبوونەوەكانی نێوان شاندی عێراق و توركیا.
کۆمێنت (0)
تا ئێستا هیچ کۆمێنتێک نەکراوە.