کێ دەگاتە فایناڵی جامی شای ئیسپانیا

ئەمرۆ یاری لوتکەی نێوان یانەی بارسیلۆنا و ئاتلێتیکۆ مەدرید بەڕێوەدەچێت.

وابڕیارە ئەمرۆ چوارشەمە 2ی نیسان 2025، یانەی ئاتلێتیکۆ مەدرید میوانداری یانەی بارسیلۆنا بکات کاتژمێر 22:30.

ئەمشەو یانەی ئاتلێتیکۆ مەدرید لە یاریگای ریاز ئێر میترۆپۆلیتانۆ میوانداری یانەی بارسیلۆنا دەکات لە میانەی یاری گەڕانەوەی جامی شای ئیسپانیا.

لە یاری چونی یاری نێوانیان هەردوو یانە بە ئەنجامی 4 گۆڵ یەکسان بوون لە یاریگای تایبەت بە بارسیلۆنا، ئەمشەو جەنگە گەورەکەی نێوانیان بە کۆتا دەهێنن.

بارسیلۆنا ئەمساڵ تینوی نازناوە، ئاتلێتیکۆش دوا هەلێتی بۆ بردنی جام دوای کرانە دەرەوەی لە چامپیۆنزلیگ بەرامبەر ریال مەدرید، هەروەها لە خولی ئیسپانیش لە پلەی سێیەمدێت و هیوای زۆر کەمە بۆ بەدەست هێنانی نازناوەکە.

ئەمشەو هەڵی کورانی سیمیۆنیە بۆ گەشتن بە قۆناغی کۆتایی، دەتوانن تۆڵەی دۆراندنەکەیان لە گەڕی 28 لالیگا لە بارسیلۆنا بکەنەوە کاتێک بە ئەنجامی 4 بە 2 دۆڕاندیان و لە فایناڵیش رووبەڕووی ریال مەدرید دەبنەوە بۆ تۆڵە سەندنەوە لە دەرکرانیان لە چامپیۆنزلیگ لە ئەگەری بردنەوەی ئەمشەویان.

پێشبینیش دەکرێت ئەمشەو یانەی ئاتلێتیکۆ مەدرید بە هێرشبەری یاری بکات و زۆرترین فشار درووست بکات لەسەر یانەی بارسیلۆنا.

یانەی بارسیلۆناش ئەمساڵ بەهیچ شێوەیەک خۆی بەدەستەوە نادات و خاوەنی بەهێزترین هێڵی هێرشبەرییە، ئەساڵ هەردوو یانە سێجار رووبەڕووی یەک بونەتەوە، جارێک ئاتلێتیکۆ براوە بووە و جارێکیش بارسیلۆنا و لە یەکیاریش یەکسان بوون، ئایە کێ براوەی یاری لوتکەی نێوان بارسیلۆنا و ئەتلەتیکۆ مەدرید دەبێت؟

پێکهاتەی پێشبینی کراوی ئەتلەتیکۆ مەدرید

موسۆ

یۆرێنتی، خێمێنێز، لینگلێت، رینیڵدۆ

سیمیۆنی، دی پاوڵ، باریۆس، لینۆ

گریزمان، ئەلڤارێز

پێکهاتەی پێشبینی کراوی بارسیلۆنا

چێزنی

کۆندێ، مارتینێز، کۆبارسی، باڵدی

دی یۆنگ، پێدری

یامال،فێرمین،رافینیا

لیڤاندۆڤسکی