ریال مەدرید دەیدۆڕێنێت

یانەی ریال مەدرید براوە بوو، چاوەڕوانی براوەی ئەمشەوە بۆ یاری کۆتای جامی شا.

لە قۆناغی چوارگۆشەی زێرینی جامی شای ئیسپانیا، یانەی ریال مەدرید توانی لەیانەی ریال سۆسیداد بباتەوە، یاریەکی دراماتێکی زەحمەت بوو بۆ هەردوو یانە، بەڵآم چاوەڕوان دکرا بەهۆی پێشکەوتنی یانەی ریال مەدرید لە یاری یەکەم بە ئەنجامی گۆڵێک بتوانێت زوو یاریەکە یەکلای بکاتەوە بەڵام یانەی سۆسیداد دوور لە چاوەڕوانی توانی یاریەکی مێژووی بەرامبەر یانەی ریال مەدرید ئەنجام بدات و توشی کێشەو گرفتی بکات.

چەند جارێک یانەی سۆسیداد توانی گۆڵی پێشکەوتن بکات بەڵام ریال مەدرید زوو وەڵامی دەدانەوە، دوای یاریەکە لە کۆنگرەی رۆژنامەوانی راهێنەری هەردوو یانە هێرشیان کردە سەر ناوبژیوانی یارییەکە.

راهێنەری یانەی ریال مەدرید کارلۆ ئانچیلۆتی، لە کۆنگرەی رۆژنامەوانیەکەیدا تەقیەوەو گوتی ناوبژیوانان بڕیاری درووست نادەن بە تایبەت کاتێک بڕیارەکە پەیوەستە بە مەدرید، لە هەموو خولەکان هەوڵدەدەن ئەستێرەکان بپارێزن بەڵام بەداخەوە هەموان دیمەنەکەی ڤینسیۆسیان بینی و تەنها کارتێکی زەردی بەرووی یاریزانەکە بەرز کردەوە لە کاتێکدا ڤینیسیۆس ئەستێرەیەکی جیهانییەو دەبوایە زیاتر پارێزگاری لێبکرێت.

لە درێژەکەی باسەکەی گوتی، شانازی بە یاریزانەکانمەوە دەکەم ئاستێکی نایابیان پێشکەشکرد، گرنگ نیە زەحمەتیمان بینی یان نا گرنگ بردنەوە و سەرکەوتنبوو بۆ قۆناغی کۆتای.

گوتیشی ماوەیەکی زۆرە دەبینم رەخنە لە ڤینیسیۆس دەگرن بەڵام ئەمشەو وەڵامی دانەوە خاڵی بەهێزی ریال ئەمەشەو ڤینی بوو توانی یەکلاکەرەوە بێت، رەخنەکانتان ئەو یاریزانە ڕاناگرێت بەڵکو بەهێزی دەکات.

 هاندەرانی ریال مەدرید دوای یاریەکە هێرشیان کردە سەر کارلۆ ئانچیلۆتی و ئالابا، لە یاریەکەی شەوی ڕابردوو ئالابە بەهۆی دوو هەڵەوە یانەی سۆسیدادی پێشخست و ئەستێرەی یانەی سۆسیداد بوو.

لەلایەکی دیکەوە بە تەنزەوە بە کارلۆ دەڵێن بەو شێوەیە دەتەوێ پشوو بە یاریزانان بدەی، تۆ 120 خولەک یاریت بە هەموو یاریزانان کرد و کەس پشووی وەرنەگرت بەڵکو ئەرکی یانەکە و یاریزانانیشت قورس کرد.

هەردوای یارییەکە راهێنەری یانەی سۆسیداد ئیمانۆل ئەلگواسیل لە کۆنگرەی رۆژنامەوانیدا هێرشی کردە سەر ناوبژیوان و گوتی ئەگەر هەڵە ناوبژیوان نەبوایە ئێمە لە یاری کۆتایی دەبووین، گوتیشی ریال مەدرید یانەیەکی گەورەیە و پێویستی بە هاوکاری ناوبژیوان نییە.

یانەی ریال مەدرید چاوەڕوانی براوەی ئەمشەوی یاری نێوان بارسیلۆنا و ئەتلەتیکۆ مەدریدە، هەردوو یانە بە ئەنجامی ٤ گۆڵ بۆ هەردوولا یاری یەکەمیان کۆتا پێهێنا و ئەمشەو یەکێک براوەی جەنگ دەبێت و یەکی دیکەش شەری سێیەم بوون دەکات.

هەر لە ئێستاوە هاندەرانی بارسیلۆنا هەڕەشە لە یانەی ریال مەدرید دەکەن و دەڵێن یاریکردن لەگەڵ ئێوە وەک راهێنان وایە بە ئەنجامی گەورە لێتان دەبەینەوە.

ریال مەدرید لە ئەگەری سەرکەوتنی بارسیلۆنا  دەبێتە سێیەم کلاسیکۆی ئەم وەرزە، ریال هەردوو کلاسیکۆی پێشتر بە ئەنجامی گەورە دۆڕاوە، ئایا دیسان ریال مەدرید دەیدۆڕێنێت؟.