سەرۆكی حكوومەتی هەرێمی كوردستان پەیامێكی پیرۆزبایی ئاراستەی حزبی شیوعی عێراق و كوردستان دەكات بەبۆنەی 91 ساڵ دامەزراندنیانەوە.
مەسرور بارزانی سەرۆكی حكوومەتی هەرێمی كوردستان لە پەیامە پیرۆزباییەكەدا رایگەیاند "بە بۆنەی (91)مین ساڵیادی دامەرزاندنی هەردوو حزبی شیوعیی عێراق و کوردستان، گەرمترین پیرۆزبایی ئاراستەی سکرتێر و ئەندامانی کۆمیتەی ناوەندی و گشت ئەندام و لایەنگرانی هەردوو حزبە تێکۆشەرەکە دەکەم".
مەسرور بارزانی راشیگەیاند "حزبی شیوعیی عێراق و حزبی شیوعیی کوردستان مێژوویەکی دێرینيان لە تێکۆشان لەپێناو ئازادی و داکۆکیکردن لە ماف و داخوازییە ڕەواکانی گەلانی عێراق و بە تایبەتی گەلی کوردستاندا هەیە".
سەرۆكی حكوومەت هەروەها ئاماژەی بەوە دا "ئومێدی سەرکەوتنیان لە خەبات و تێکۆشانیان لەپێناو بەرگریکردن لە مافە ڕەواکانی گەلی کوردستان و بەهێزکردنی بنەماکانی ئازادی و دیموکراسی لە عێراقدا بۆ دەخوازم".
کۆمێنت (0)
تا ئێستا هیچ کۆمێنتێک نەکراوە.