له چوارچێوه‌ی كاردانه‌وه‌كان له ئاستی جیهانی بۆ هه‌ڵگرتنی سزاكانی سه‌ر سووریا له‌لایه‌ن یه‌كێتیی ئه‌ورووپا، حكوومه‌تی سووریا به‌فه‌رمی رایگه‌یاند،دڵخۆشن كه یه‌كێتیی ئه‌ورووپا سزاكانی سه‌ر كه‌رتی نه‌وت و وزه‌ی وڵاته‌كه‌ی هه‌ڵگرت و پیشوازی لێده‌كه‌ن .
ئه‌مڕۆ پێنجشه‌ممه 27-2-2025 غیاس دیاب ، وه‌زیری وزه‌و نه‌وتی حكوومه‌تی سووریا به‌ناوی حكوومه‌تی وڵاته‌كه‌ی رایگه‌یاند ،دڵخۆشن و پیشوازی ده‌كه‌ن له هه‌ڵگرتنی سزاكانی سه‌ر كه‌رتی نه‌وت و وزه‌ی وڵاته‌كه‌ی له‌لایه‌ن یه‌كێتیی ئه‌ورووپا ،ئه‌وه‌شی خستووه‌ته‌ڕوو ئه‌م هه‌نگاوه كاریگه‌ری ئه‌رێنی ده‌بێت له‌سه‌ر بوژانه‌وه‌ی ئابووری وڵاته‌كه له داهاتوودا .
غیاس دیاب ئه‌وه‌شی خستووه‌ته‌ڕوو ، ئه‌و بڕیارانه‌ی یه‌كێتی ئه‌ورووپا مایه‌ی دڵخۆشین و پێشوازی گه‌رمی لێده‌كه‌ین ، داواكارین له داهاتوودا سزاكان له‌سه‌ر كه‌رته‌كانی تریش هه‌ڵبگیرێن له ئاستی جیهانیدا ، چونكه گه‌لی سووریا ئازاری زۆری دیووه به‌ده‌ست ڕژێمی پێشوو، پێویسته وڵاتان ڕۆڵی گرنگ ببینن له ئاوه‌دانكردنه‌وه و بوژانه‌وه‌ی وڵاته‌كه به‌تایبه‌ت له كه‌رته‌كانی ته‌ندروستی و پیشه‌سازی و په‌روه‌رده‌یی مرۆیی .
کۆمێنت (0)
تا ئێستا هیچ کۆمێنتێک نەکراوە.