پاپا فرەنسیس كە بەهۆی نەخۆشییەوە ماوەیەكە لە نەخۆشخانەیەكی شاری رۆمای پایتەختی ئیتاڵیا خەوێنراوە، داوا لە كریستیانەكانی كەنیسەی كاسۆلیكی دەكات نزای چاكبوونەوەی بۆ بكەن.
پاپا فرەنسیس پاپای کەنیسەی کاسۆلیکی و سەرۆکی دەوڵەتی ڤاتیکان ئەمڕۆ یەكشەممە پەیامێكی ئاراستەی كریستیانەكانی كەنیسەی كاسۆلیكی لە جیهان كردووە.
پاپا لە پەیامەكەدا داوای لە كریستیانە كاسۆلیكەكان كردووە كە ژمارەیان زیاتر لە 1.4 ملیار كەسە، نزا و نوێژی چاكبوونەوەی بۆ بكەن.
پاپا /88 ساڵ/ ماوەی 10 رۆژە بەهۆی هەوكردنی هەردوو گورچیلەكەكانی لە نەخۆشخانەی جیمیلی لە رۆما چارەسەری وەردەگرێت.
هەر لە پەیامەكەدا پایا سوپاسی پزیشك و كارمەندانی نەخۆخشانەكە كردووە كە ماوەی چەند رۆژێكە چاودێری دەكەن و گرینگییەكی رادەبەدەری پێ دەدەن.
هەر سەبارەت بە دۆخی تەندروستی پاپا فرەنسیس، رۆژی پێنجشەممەی رابردوو ماتیۆ برۆنی گوتەبێژی دەوڵەتی ڤاتیکان گوتبووی: رۆژ بەڕۆژ تەندروستی باشتر دەبێت و رێژەی هەوكردنی سییەكانی كەمتر دەبێتەوە.
راشیگەیاندبوو: چەند رۆژێكە پاپا فرەنسیس دەتوانێت لەسەر قەروێڵە هەستێتەوە و لەسەر مێز نان بخوات.
هەفتەی رابردووش جۆرجیا میلیۆنی سەرۆك وەزیرانی ئیتاڵیا سەردانی پاپا فرەنسیسی كردبوو و ماوەی 20 خولەك لەلای مابووەوە.
جۆرجیا دوای سەردانەكە گوتبووی كە پاپا فرەنسیس ورەی بەرزە و وەك رابردوو لە قسە خۆشەكانی بەردەوامە.
کۆمێنت (0)
تا ئێستا هیچ کۆمێنتێک نەکراوە.