ئه‌مڕۆ پێنج شه‌ممه 20-2-2025 له وڵاتی چیك ، له شاری هرادیک کرالۆڤ كه دەکەوێت رۆژهەڵاتی پراگ و 100 کیلۆمەتر لە پایتەختەوە دوورە هاوڵاتییه‌كی چیكی له ڕێگه‌ی چه‌قۆوه دوو ئافره‌تی چیكی ده‌كوژێت و دواتر له‌لایه‌ن پۆلیسه‌وه ده‌ستگیر ده‌كرێت .
سه‌رچاوه هه‌واڵیه جیهانییه‌كان له زاری پۆلیسی چیك بڵاویانكردووه‌ته‌وه ، ڕووداوه‌كه لە یەکێک لە فرۆشگەکانی شاری هرادیک کرالۆڤ روویداوە. پۆلیسی ناوچه‌كه رایگه‌یاندووه، کوڕێکی تەمەن 16 ساڵان بە چەقۆ هێرشیکردووەتە سەر دوو ئافره‌ت و کوشتوونی ، به‌ڵام پۆلیس هۆكاری كوشتنه‌كه‌ی روون نه‌كردووه‌ته‌وه ته‌نیا رایگه‌یاندووه، بكوژ ده‌ستگیركراوه و په‌ڕاوی لێكۆلینه‌وه‌ی یاسایی له‌گه‌ڵدا كراوه‌ته‌وه .
پۆلیسی چیك ئه‌وه‌شی خستووه‌ته‌ڕوو ، هیچ مه‌ترسییه‌ك له‌سه‌ر ناوچه‌كه نییه و دۆخه‌كه به‌ته‌واوی كۆنتڕۆڵ كراوه .
لای خۆیه‌وه، پیتەر فیالا، سەرۆکوەزیرانی چیک لەدوای رووداوەکە لە تۆڕی کۆمەڵایەتیی ئێکس، له په‌یامێكدا نیگه‌رانی خۆی ده‌ربڕیووه و سەرەخۆشی لە کەسوکاری قوربانییان کردوه و رایگه‌یاندووه ، ئەوەی ئەمڕۆ لە شاری هرادیک کرالۆڤ روویدا کارێکی ترسناک و قبووڵنەکراوە .
کۆمێنت (0)
تا ئێستا هیچ کۆمێنتێک نەکراوە.