دۆناڵد تره‌مپ سه‌رۆكی ئه‌مه‌ریكا له ساتی هه‌ڵمه‌تی هه‌ڵبژاردنه‌كان و دوای ده‌ستبه‌كاربوونیشی وه‌كو سه‌رۆكی ئه‌مه‌ریكا ره‌خنه‌ی تووندی له جۆ بایدن گرتووه و به ماڵوێرانكه‌ر بۆ ئه‌مه‌ریكا و جیهان ناوی بردووه ،له تازه‌ترین لێدوانیشیدا رایگه‌یاندووه ،ئه‌گه‌ر جۆبایدن و ئیداره‌كه‌ی له ده‌سه‌ڵات مابان دۆخی جیهان ته‌واو تێكده‌چوو و جه‌نگی سێیه‌می جیهانی دروست ده‌بوو .
دوێنێ چوارشه‌ممه 19ی شوبات ، لە میانەی بەشداری کردنی لە کۆڕبەندی وەبەرهێنان لە شاری میامی لە ویلایەتی فلۆریدا کە لەلایەن سعودیە ڕێکخرابوو، دۆنالد ترەمپ راشكاوانه رایگه‌یاند ، ئه‌گه‌ر جۆبایدن و ئیداره‌كه‌ی له‌سه‌ر حوكم مابان دۆخی جیهان به‌ته‌واوی تێكده‌چوو و به‌ره‌و جه‌نگی جیهانی سییه‌م ده‌ڕۆیشتین ،به‌ڵام گه‌لی ئه‌مه‌ریكا هۆشیارانه ڕێگریان له‌مه كرد .
دۆناڵد تره‌مپ سه‌رۆكی ئه‌مه‌ریكا ، ئه‌وه‌شی خستووه‌ته‌ڕوو ،ئیداره‌ی جۆبایدن بی گوێدان به مه‌ترسییه‌كان له ماوه‌ی رابردوو كاریان كردووه و چه‌ندین كێشه‌ی كه‌ڵه‌كه‌بوویان بۆ جیهان و ئه‌مه‌ریكا جێهێشتووه ،ئه‌مه‌ش له‌به‌رژه‌وه‌ندی هیچ لایه‌كماندا نیه .
دۆناڵد تره‌مپ ئه‌وه‌شی خستووه‌ته‌ڕوو . به رژدی كار ده‌كه‌ین بۆ ئه‌وه‌ی سیاسه‌تی ناوخۆیی و جیهانی ڕێكبخه‌ینه‌وه و بچینه ناو دانوستانه‌كان بۆ سنوورداركردنی چاڵاكییه ئه‌تۆمییه‌كانی چین و ئێران و رووسیا له داهاتوودا .
کۆمێنت (0)
تا ئێستا هیچ کۆمێنتێک نەکراوە.