Erbil 21°C ھەینی 04 نیسان 18:06

لەمەودوا تاوتوێی ماستەر و دكتۆرا لە زانكۆكانی هەرێمی كوردستان بە داخراوی ئەنجام دەدرێت

کوردستان TV
100%

ئەمڕۆ پێنجشەممە وەزارەتى خوێندنى باڵاو توێژینەوەى زانستى ژمارەیەک رێکاری نوێی بۆ ئەنجامدانی پرۆسەی تاوتوێکردنی ماستەرنامە و تێزی دکتۆرای دەركرد، یەكێك لە رێكارە نوێیەكان ئەوەیە كە دەبێت تاوتوێكردنی ماستەرنامە و دكتۆرا بەشێوەی داخراو ئەنجام بدرێت.

لە فەرمانێکى وەزاریدا بە ئیمزاى د. ئارام محەمەد قادر وەزیرى خوێندنى باڵا بە ژمارە (3994) لە ڕێکەوتى (20/ 2/ 2025) دەرچووە، وەزارەتى خوێندنى باڵا ژمارەیەک رێکار بۆ ئەنجامدانی پرۆسەی تاوتوێکردنی ماستەرنامە و تێزی دکتۆرا لە زانکۆکانی هەرێمی کوردستان دەردەکات.

ناوەرۆکی فەرمانە وەزارییەکە، ژمارەیەک رێکار لەخۆدەگرێت و لە یەكێک لە خاڵەکان ئاماژە دەدات کە لەمەودوا پرۆسەی تاوتوێکردنی ماستەرنامە و تێزی دکتۆرا بە شێوەی داخراو لە سەرجەم زانکۆکانی هەرێمی کوردستان ئەنجام دەدرێت.

فەرمانەکە ئاراستەى سەرجەم زانکۆکانى کوردستان کراوە بەمەبەستى جێبەجێکردنی لە ڕێکەوتى دەرچوونییەوە.

بۆ خوێندنەوەى وردەکارى فەرمانە وەزاریەکە، لێرە (كلیك) بكە.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.