وەزارەتی ناوخۆی سووریا ئاشكرای دەكات كە شەوی رابردوو لە شاری لازقییە لە باكوری رۆژئاوای وڵات، لەلایەن چەند كەسێكەوە هێرشكراوەتە سەر هێزە ئەمنییەكانیان و بەهۆیەوە كوژرا و بریندار كەوتۆتەوە.
وەزارەتی ناوخۆی سووریا ئەمڕۆ یەكشەممە بڵاوی كردەوە: شەوی رابردوو ئۆتۆمبێلێكی هێزە ئەمنییەكان لە شاری لازقییە دووچاری هێرشێكی بووەتەوە و بە بۆمبی دەستی و چەك هێرشیان كراوەتەسەر.
بڵاویشی كردۆتەوە: هێرشكارەكان بە ماتۆڕسكیل هێرشیان كردووە و لە ئەنجامیشدا یەكێك لە ئەندامانی هێزە ئەمنیەكان كوژراوە و دووانی دیكەش بریندار بوون، هەروەها لە كاتی رووبەڕووبوونەوەكانیش هاووڵاتییەكی ئافرەتیش كوژراوە.
ئەم هێرشە لەكاتێكدایە كە ئەحمەد شەرع سەرۆك كۆماری سووریا بۆ قۆناغی راگوزەر بەسەردانێك گەیشتۆتە لازقییە و دامودەزگاكانی ئەم شارە بەسەردەكاتەوە.
کۆمێنت (0)
تا ئێستا هیچ کۆمێنتێک نەکراوە.