سەرۆکی ئەمەریکا، دۆناڵد ترەمپ، پێش کۆبوونەوەی ئه‌مڕۆی لەگەڵ سەرۆک وەزیری ئیسرائیل، بنیامین ناتانیاهۆ لە کۆشکی سپی قسەی لەسەر قەبارەی بچووکیی دەوڵەتی ئیسرائیل کرد.
چەند مانگێک لەمەوبەر، ترەمپ لێدوانی دا و گوتی "ئیسرائیل لەسەر نەخشەکە بچووک دیارە و من هەمیشە بیرم لەوە کردۆتەوە کە چۆن فراوان بکرێت."
ترەمپ رۆژی دووشەممە لە ئۆفیسی هێلکەیی وەڵامی پەیامنێرانی دایەوە و وەڵامێکی ناڕوونی دایەوە کاتێک پەیامنێرێکی کۆشکی سپی پرسیاری کرد ئایا پشتگیری لە لکاندنی کەناری ڕۆژئاوای داگیرکراو لەلایەن ئیسرائیلەوە دەکات یان نا، سەرەتا گوتی "من باسی ئەوە ناکەم، بەڵام ڕووبەری ئیسرائیل زۆر بچووکە."
تره‌مپ گوتی، ئیسرائیل وڵاتێکی زۆر بچووکە. ئۆفیسەکەم وەک ڕۆژهەڵاتی ناوەڕاست وایە ئەم قەڵەمە لە دەستمدا دەبینیت زۆر جوانە هەرچۆنێک بێت ئیسرائیل وەک نووکی ئەم قەڵەمە وایە کە باش نییە وایە؟ من ئەمەم وەک لێکچونێک بەکارهێنا و لە ڕاستیدا ئەمە وڵاتێکی زۆر بچووکە و زۆر سەرسوڕهێنەرە کە ئەوان توانیویانە ئەو شتانە بەدەست بهێنن کە بەدەستیان هێناوە، بەڕاستی بۆشاییەکی زۆر بچووکە."
ترەمپ هەروەها رایگەیاند هیچ گەرەنتییەک نییە کە ئاگربەستی نێوان ئیسرائیل و حەماس لە کەرتی غەززە لە دوو هەفتەی رابردووەوە جێبەجێ بکرێت.
میدیاکانی ئیسرائیل ئێوارەی دووشەممە بڵاویانکردەوە کە ناتانیاهۆ سەردانەکەی بۆ ئەمەریکا درێژ دەکاتەوە.
بەگوێرەی راپۆرتەکانی میدیاکانی ئیسرائیل، ناتانیاهۆ تا ئێوارەی شەممە لە واشنتن دەمێنێتەوە نەک ڕۆژی پێنجشەممە بگەڕێتەوە.
بڕیارە ئه‌مرۆ، نەتانیاهۆ ببێتە یەکەم سەرکردەی بیانی کە لەگەڵ سەرۆکی ئەمەریکا، دۆناڵد ترەمپ کۆببێتەوە دوای ئەوەی لە 20 ی کانوونی دووەم بۆ دووەم سەرۆکایەتی کرد.
کۆمێنت (0)
تا ئێستا هیچ کۆمێنتێک نەکراوە.