ئەمڕۆ یەكشەممە ئەحمەد شەرع سەرۆكی سووریا یەكەم سەردانی بۆ دەرەوەی وڵات ئەنجام دا و لەلایەن محەمەد بن سەلمان شازادەی جێنشین و سەرۆك وەزیرانی سعوودییە پێشوازی لێ كرا.
ئاژانسی دەنگوباسی سووریا (سانا) بڵاوی كردەوە: ئەحمەد شەرع لەگەڵ محەمەد بن سەلمان و بەرپرسانی باڵای سعوودییە دوایین پێشهاتەكان و پلانەكانی سووریا بۆ ئاسایش و سەقامگیری وڵات تاوتوێ دەكات، هەروەها پەیوەندییەكانی نێوان دیمەشق و ریاز و سەرجەم وڵاتانی دیكەی عەرەبی قسەوباسیان لەسەر دەكرێت.
ئەمە لەكاتێكدایە كە سعوودییە چەند جارێك پشتگیری تەواوی وڵاتەكەی بۆ سووریا دووپات كردۆتەوە، هەروەها فەیسەڵ بن فەرحان وەزیری دەرەوەی سعوودییە سەردانی دیمەشقی پایتەختی سووریای كردبوو.
کۆمێنت (0)
تا ئێستا هیچ کۆمێنتێک نەکراوە.