نوێنەری تایبەتی سەرۆکی ئەمریکا دۆناڵد ترەمپ، بۆ کاروباری ڕۆژهەڵاتی ناوەڕاست، ستیڤ ویتکۆف لەمیانی دیدارێکیدا لەگەڵ سەرۆکوەزیرانی ئیسرائیل بنیامین ناتانیاهو داوای لێکرد درێژە بە ئاگربەست و ئاڵوگۆڕی دیلەکان لەگەڵ حەماس بدات.
بە پێی هەواڵێکی تەلەڤیزیۆنی فەرمی ئیسرائیل، (Kan)، ویتکۆف لە چوارچێوەی سەردانێکی بۆ ئیسرائیل بە سەرۆکوەزیران ناتانیاهو و وەزیری کاروباری ستراتیژی ڕون دەرمەر'ی ڕایگەیاندووە کە ئەمریکا و نێوەندگیرانی دیکە وەک میسر و قەتەر، هەرچەشنە بۆشاییەک لە ڕێکەوتنی ئاگربەست پڕ دەکەنەوە.
نوێنەری تایبەتی سەرۆکی ئەمریکا دۆناڵد ترەمپ بۆ کاروباری ڕۆژهەڵاتی ناوەڕاست، ستیڤ ویتکۆف بە ناتانیاهوی ڕاگەیاندووە کە پێویستە بەربەستە سیاسییەکان لەبەردەم تەواوکاریی ڕێکەوتنەکە لابدرێت.
ستیڤ ویتکۆف بە مەبەستی گفتوگۆکردن لەبارەی قۆناغی دووهەمی ڕێککەوتنی نێوان حەماس و ئیسرائیل لە کەرتی غەززە سەردانی ئیسرائیلی کردووە.
کۆمێنت (0)
تا ئێستا هیچ کۆمێنتێک نەکراوە.