نوێترین ئاماری گیانلەدەستدان بەهۆی رووداوی ئاگركەوتنەوە لە هۆتێلەكەی توركیا بۆ 66 كەس بەرزبووەوە.
عەلی یەرلی كایا وەزیری ناوخۆی توركیا رایگەیاند: لە ئەنجامی رووداوی ئاگركەوتنەوە لە هۆتێلی ناوەندی خلیسكانەی سەر بە فری كارتاڵكایا لە پارێزگای بۆڵۆی توركیا، 66 كەس گیانیان لەدەست دا و 51 كەسی دیكەش بریندار بوون.
هۆتێلی ناوەندی خلیسكانەی سەر بە فری كارتاڵكایا لە 12 نهۆم پێكهاتووە، ئاگرەكە بەرەبەیانی ئەمڕۆ سێشەممە لە كاتژمێر 3:30ی شەو لە چێشتخانەی هۆتێلەكە لە نهۆمی چوارەم كەوتۆتەوە.
لە كاتی كەوتنەوی ئاگرەكەدا 238 مێوان لە هۆتێلەكەدا بوون، بەشی هەرەزۆریان رزگاركراون، بەڵام 66 كەس گیانیان لەدەستداوە و 51 كەسی دیكەش بەهۆی سوتان و تەنگەنەفەسی بریندار بوون و رەوانەی نەخۆشخانەكان كراون.
کۆمێنت (0)
تا ئێستا هیچ کۆمێنتێک نەکراوە.