بەڕێوەبەرایەتی گشتیی كەشناسی و بوومەلەرزەزانی رەوشی كەشوهەوای ئەمرۆ هەینی و سبەی شەممەی شارەكانی هەرێمی كوردستانی بڵاو كردەوە، تێیدا پێشبینی كردووە لە ماوەی هەردوو رۆژەكەدا باران لە شارەكانی هەرێمی كوردستان نەبارێت.
كەشناسی بۆ كەشوهەوای ئەمڕۆ هەینی رایگەیاند: لە زۆربەى کاتەکاندا ئاسمان ساماڵ دەبێت، پلەکانی گەرماش نزیک دەبێتەوە لە تۆمارکراوەکانى دوێنێ پێنجشەممە.
سەبارەت بە كەشوهەوای سبەی شەممەش، كەشناسی رایگەیاند : ئاسمان لەنێوان ساماڵ و پەڵە هەوردا دەبێت، پلەکانی گەرما کەمێک نزمتر دەبێتەوە بەراورد بە تۆمارکراوەکانى ئەمڕۆ هەینی.
راشیگەیاند: لە هەردوو رۆژەكەدا ئاراستەی با بەرەو باکووری خۆرئاوا دەبێت و خێراییەكەشی لەسەرخۆ دەبێت.
كەشناسی پلەكانی گەرمای پێشبینیكراوی شارەكانی هەرێمی كوردستانی بەمشێوەی خوارەوە بڵاو كردەوە:-
هەولێر: 15 پلەى سیلیزى
سلێمانی: 13پلەى سیلیزى
دهۆک: 14 پلەى سیلیزى
کەرکووک: 16 پلەى سیلیزى
هەڵەبجە: 14پلەى سیلیزى
زاخۆ: 14 پلەى سیلیزى
حاجی ئۆمەران: 2پلەى سیلیزى
سۆران: 12پلەى سیلیزى
گەرمیان: 18 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.