كاتژمێر 9:10 خوله‌كی شه‌وی ڕابردوو هاووڵاتییەکی تەمەن 60 ساڵ بە ناوی محەمەد عەبدولقادر لە سلێمانی بە دەستی كوڕە 18 ساڵەكەی لەناو ماڵی خۆیدا كوژرا.
له ڕاگه‌ێندراوێكیشدا به‌رێوه‌به‌رایه‌تی پۆلیسی سلێمانی ده‌ستگیركردنی بكوژه‌كه‌ی ڕاگه‌یاند و ئاماژه‌ی به‌وه كرد، كه دوای ئەوەی شەوی ڕابردوو زانیاری كوشتنی كەسێك گەیشتە پۆلیسی سلێمانی ، دەستبەجێ مەفرەزەكانی پۆلیسی سلێمانی گەیشتنە شوێنی ڕوداوەكەو كەشف و هێڵكاری بۆ شوێنی ڕوداوەكە كرا و زانیارییە سەرەتاییەكان دەریانخست كە باوكێك لە لایەن كوڕەكەیەوە كوژراوەو تۆمەتبار هەڵاتووە.
ڕاشیده‌گه‌یه‌نن، هێزەكانی پۆلیس لێكۆڵینەوەو بەدواداچوونەكانیان بۆ دۆزینەوەو دەستگیركردنی تۆمەتبار دەستیپێكرد و دوای وەرگرتنی بڕیاری بەڕێز دادوەر توانرا هەمان شەو لەلایەن مەفرەزەكانی نوسینگەی لێكۆڵینەوە لە تاوانی كوشتن _ بەشی پۆلیسی نەهێشتنی تاوانی سلێمانی تۆمەتبار بدۆزرێتەوەو دەستگیربكرێت و دەستیش بگیرێت بەسەر ئەو چەكەدا كە تاوانەكەی پێ ئەنجام درابوو.
له كۆتایی پۆلیسی سلێمانی ڕایگه‌یاندووه، لە ئێستادا تۆمەتبار ( م، م، ع لەدایكبووی 2002 ) بەبڕیاری دادوەرو بەپێی ماددەی 406 لەیاسای سزادانی عیراقی ڕاگیراوە.
کۆمێنت (0)
تا ئێستا هیچ کۆمێنتێک نەکراوە.