سەرلەبەیانی ئەمڕۆ هەینی ئۆتۆمبێلێكی بارهەڵگر لە گەلی عەلی بەگ خۆی كێشاوە بە پردی پەڕینەوە و بەهۆیەوە شوفێری بارهەڵگرەكە بریندار بووە، هەروەها مەترسی بۆ ڕووخانی پردەكەش دروستكردووە.
هاتوچۆی سۆران لەبارەی رووداوەكە رایگەیاند: ئۆتۆمبێلی بارهەڵگری جۆری تڕێلە خۆی کێشاوە بە پردی گەلی عەلی بەگ شوێنی گەیشتنی رووباری باڵەکیان و رواندز.
راشیگەیاندووە: لە ئەنجامی رووداوەکە شوفێری بارهەڵگرەكە برینداربوو.
هاتوچۆی سۆران ئاماژەی بەوەش دا كە لە ئەنجامی رووداوەكە رێگاكە بەتەواوەتی داخراوە، هەروەها زیان بەر پردەكە كەوتووە و مەترسی رووخانیشی بۆ دروستكردووە.
بەرگریی شارستانی سۆرانیش بەهۆی مەترسی رووخانی پردەكە، داوای لە شۆفێران و گەشتیاران كرد ڕێگاکانیان بگۆڕن لە شارۆچكەی خەلیفان بۆ شارۆچكەی ڕواندز و بەپێچەوانەوە لە شارۆچكەی ڕواندز بۆ شارۆچكەی خەلیفان.
کۆمێنت (0)
تا ئێستا هیچ کۆمێنتێک نەکراوە.