ڕووسیا.. مانۆڕێكی سەربازیی لە دەریای سپی ئه‌نجامدا

وەزارەتی بەرگریی ڕووسیا ڕایگەیاند، سوپای وڵاتەکەیان مانۆڕێکی سەربازیی بۆ تاقیکردنەوەی مووشەکە هەستیارەکان ئەنجام داوە.

بە پێی ڕاگەیاندراوێکی وەزارەتەکە، هێزە دەریاییەکانی سەر بە سوپای ڕووسیا لە میانی 1 بۆ3ی کانوونی یەکەم مانۆڕێکیان لە باکووری دەریای سپی ئەنجام داوە.

مانۆڕەکە کە لە ژێر چاودێری فەرماندەی هێزی دەریایی ڕووسیا ئەلیکساندەر میسیۆڤ بووە، تێدا زیاتر لە هەزار سەرباز و 10 کەشتی سەربازیی و هەروەها 24 فڕۆکەی جەنگی لە جۆری Mig-31 بەشدارییان پێکراوە.

لە چوارچێوەی مانۆڕەکەدا هاژه‌كه‌كانی جۆری Tsirkon و Onisk تاقی کرانەوە و بە پێی ڕاگەیاندراوەکە بە سەرکەوتوویی ئامانجەکانی خۆیان پێکاوە.