سوپای ئیسڕائیل كوژرانی فەرماندەیەكی دیكەی حزبوڵای لوبنان لە هێرشێكی ئاسمانی لەنێو دیمەشقی پایتەختی سووریا راگەیاند.
هێزی بەرگریی ئیسڕائیل بڵاوی كردەوە: توانرا سەلمان نەمر جومعە فەرماندەی حزبوڵا لە هێرشێكی ئاسمانی لە دیمەشق بكوژرێت.
كاری سەلمان نەمر جومعە بریتی بووە لە دروستكردنی پەیوەندی و هەماهەنگی لەگەڵ سوپای سووریا و ناردنی چەك و تەقەمەنی بۆ حزبوڵا لە لوبنان.
ئەمە لەكاتێكدایە كە لە رۆژی 27ی مانگی رابردووەوە بەفەرمی ئاگربەست لەنێوان سوپای ئیسڕائیل و حزبوڵا راگەیەنراوە و جەنگ لە لوبنان راگیراوە.
کۆمێنت (0)
تا ئێستا هیچ کۆمێنتێک نەکراوە.