به مه‌به‌ستی ئه‌نجامدانی سه‌رژمێری گشتی شه‌وی رابردوو هاووڵاتییانی سنووری ماددەی 140 بەلێشاو خۆیان گه‌یانده‌وه زێدی خۆیان.
په‌یامنێری كوردستان تیڤی له كه‌ركووك رایگه‌یاند، سه‌ر له ئێواره‌ی دوێنێ سێشه‌ممه 19ی11ی2024 له بازگه‌كانی كه‌ركووك قه‌ره‌باڵغییه‌كی زۆر دروستبوو، به‌هۆی گه‌ڕانه‌وه‌ی به لێشاوی هاووڵاتییانی ناوچه كوردستانییه‌كان، كه ئامانجیان به‌شداریكردن بوو له پڕۆسه‌ی سه‌رژمێری گشتی.
به مه‌به‌ستی كارئاسانی بۆ ئه‌و هاووڵاتییانه‌ش پارتی دیموكراتی كوردستان و ده‌زگای خێرخوازیی بارزانی چه‌ندین هاریكاری و كارئاسانیان پێشكه‌ش به هاووڵاتییان كردووه هه‌ر له شوێنی مانه‌وه هه‌تا پاس بۆ هاتووچۆ.
به گوته‌ی حەسه‌ن مەجید سەرۆکی فراکسیۆنی پارتی لە ئەنجوومەنی پارێزگای کەرکووک، به‌شێكی زۆری هاووڵاتییان له ماڵی خزم و كه‌سوكاریان ده‌مێننه‌وه و به‌شێكی دیكه‌ش خانووی خۆیان هه‌یه، ئێمه‌ش شوێنی مانه‌وه‌مان بۆ ئه‌و هاووڵاتییانه دابین ده‌كه‌ین كه پێویستیان پێیه‌تی.
ئاماژه‌ی به‌وه‌ش كرد، ئه‌و هاووڵاتییانه‌ی ده‌گه‌ڕێنه‌وه هاووڵاتیی ره‌سه‌نی شاری كه‌ركووكن.
کۆمێنت (0)
تا ئێستا هیچ کۆمێنتێک نەکراوە.