بەڕێوەبەرايەتی بەرگری شارستانی هەولێر رایگه‌یاند، به‌هۆی لێچوونی گاز ئاگر له كارگه‌یه‌كی پیشه‌سازی له سه‌ر رێگه‌ی هه‌ولێر - مه‌خموور له‌نێو پیشه‌سازی تیماری گه‌وره كه‌وتووه‌ته‌وه، هه‌ر زوو تیمه‌كانی ئاگرکوژێنەوەی ئازادی توانیویانه كۆنتڕۆڵی دۆخه‌كه بكه‌ن و ئاگره‌كه بكوژێننه‌وه.
ئاماژه‌ی به‌وه‌ش كرد، كارگه‌كه سەندەويچ پەنەڵ دروست ده‌كات و ئاگر له شوێنی مانه‌وه‌ی پاسه‌وانانی كارگه‌كه بووه. ئاشكراشی ده‌كات، پاسەوانەکان لە رێگەی سۆندەوە گازیان بۆ نێو کابینەی مانەوەی خۆیان راکێشابوو. لێچوونی گازەکەش لە سۆندەکە بووە و بەو هۆیەوە ئاگرەکە کەوتووەتەوە.
ده‌شڵیت، ئاگره‌كه ته‌نیا زیانی ماددی هه‌بووه و هیچ زیانێكی گیانی لێنه‌كه‌وتووه‌ته‌وه.
کۆمێنت (0)
تا ئێستا هیچ کۆمێنتێک نەکراوە.