رێباز حەملان یاریدەری سەرۆكی حكوومەتی هەرێمی كوردستان بۆ كاروباری ئابووری و دارایی، پۆستێكی نوێی پێ دەدرێت و دەبێتە بریكاری وەزارەتی دارایی عێراق.
بەپێی زانیارییەكانی (كوردستان تیڤی)، چەند رۆژێك پیش ئێستا محەمەد شیاع سوودانی سەرۆك وەزیرانی عێراق بەفەرمی واژۆی لەسەر فەرمانی دەستبەكاربوونی رێباز حەملان وەك بریكاری وەزارەتی دارایی عێراق كردووە.
بڕیاریشە هەفتەی داهاتوو رێباز حەملان بەفەرمی لە شوێنی مەسعوود حەیدەر، وەك بریكاری وەزارەتی دارایی عێراق دەستبەكاربێت.
رێباز حەملان لە كابینەی نۆیەم یاریدەری مەسرور بارزانی سەرۆكی حكوومەتی هەرێمی كوردستان بوو بۆ كاروباری ئابووری و دارایی، پێشتریش لە كابینەی هەشتەم وەزیری دارایی حكوومەتی هەرێمی كوردستان بووە.
کۆمێنت (0)
تا ئێستا هیچ کۆمێنتێک نەکراوە.