هاتوچۆی هەولێر ئاگاداری شوفێران دەكاتەوە كە لە ئەمشەو دووشەممەوە ژمارەیەك كامێرای دیكەی چاودێری و تۆماركردنی سەرپێچی تیژڕۆیی لە شەقامەكان بەشێوەی تێست دەكەونە كار.
هاتوچۆی هەولێر رایگەیاند: ئاگاداری شوفێران دەکەینەوە کەوا ئەمشەو دوای کاتژمێر 12:00 کامێراکانی تۆمارکردنی سەرپێچی تیژڕۆیی جێگیر لەو شەقامانەی کە لە خوارەوە دیاریكراون، دەکەونە کار.
راشیگەیاند: كاركردنی كامێراكان بەشێوەی تاقیکردنەوە (تێست) دەبێت تاوەکو كاتژمێر 12:00ی ڕێکەوتی 20/11/2024، لە دوای ئەم کات و رێكەوتە سەرپێچییەکانی تیژڕۆیی تۆمار دەکرێن.
هاتوچۆی هەولێر هەروەها رایگەیاند: لە زۆربەی ئەو شەقامانەی كە لە لیستەکەدا ئاماژەی پێکراوە، پێشتر کامێرای تۆمارکردنی تیژڕۆیی گەڕۆک هەبووە، بەڵام ئێستا کراوەتە کامێرای جێگیر.
داواشی لە شوفێران كرد پابەندبن بە خێرایی ڕێگەپێدراو و خۆیان بپارێزن لە تیژڕۆیی.
وێنە: ئەو شەقامانەی كامێرای چاودێرییان بۆ دادەنرێت:-
کۆمێنت (0)
تا ئێستا هیچ کۆمێنتێک نەکراوە.