میدیا عه‌ره‌بییه‌كان ئاماژه به‌وه ده‌كه‌ن كه له هێرشێكی ئیسرائیلدا بۆ سه‌ر سێ شوێن له ده‌وروبه‌ری شاری سه‌یده زه‌ینه‌ب له باشووری دیمه‌وشق 9 كه‌س كوژراوه‌و پازده كه‌سی دیكه‌یش برینداربوونه.
سه‌رچاوه‌كان ئاماژه به‌وه‌یش ده‌كه‌ن كه یه‌كێك له كوژراوه‌كان سه‌لیم عه‌یاشه، كه فه‌رمانده‌یه‌كی سه‌ر به حزبوڵڵایه‌و بكوژی ڕه‌فیق حه‌ریری سه‌رۆك وه‌زیرانی پێشووترینی لوبنانه. ئه‌و سه‌رچاوانه ڕوونیان كرده‌وه كه هێرشه‌كه‌ی ئیسرائیل دوو ته‌لاری له سه‌یده زیه‌نه‌ب كردبووه ئامانج و له‌و هێرشه‌دا عهیاش كوژراوه.
هه‌ڵبه‌ت عهیاش له‌گه‌ڵ سێ كه‌سی دیكه‌ی سه‌ر به حزبوڵڵا ساڵی 2020 له‌لایه‌ن دادگه‌ی نێوده‌وڵه‌تیی تایبه‌ت به لوبنان به كوشتنی ڕه‌فیق حه‌ریری سه‌رۆك وه‌زیرانی پێشووترینی لوبنان له چوارده‌ی شوباتی ساڵی 2005 تۆمه‌تباركران.
عهیاش له ساڵی 1963 له شاره‌دێی حارووف سه‌ر به شارۆچكه‌ی نه‌به‌تییه له باشووری لوبنان له‌دایك بووه.
کۆمێنت (0)
تا ئێستا هیچ کۆمێنتێک نەکراوە.