وەزارەتی پەروەردەی هەرێمی كوردستان بە هەماهەنگی لەگەڵ رێكخراوی یونیسێف، هەڵمەتی گەڕانەوەی بۆ فێربوونی راگەیاندووە و هەڵمەتەكەش تا ئێستا بەردەوامە.
ئالان حەمەسەعید وەزیری پەروەردە رایگەیاند: لەپێناو دەستڕاگەیشتن بە خوێندن، وەزارەتی پەروەردەی لە ڕێکەوتی 1ی 10ی 2024 هەڵمەتی گەڕانەوەی بۆ فێربوون (Back to Learning) بە هەماهەنگی لەگەڵ ڕێکخراوی یونیسێف لەژێر دروشمی "پەروەردە بۆ هەمووان" ڕاگەیاند.
راشیگەیاند: ئامانج لەم هەڵمەتە پێدانی دەرفەتێکی دیکەیە بە منداڵان و گەنجانی لە خوێندن دابڕاو یاخود ئەم منداڵانەی کە هەرگیز نەچوونەتە بەر خوێندن.
هەروەها رایگەیاند: ئەم منداڵانە جارێکی دیکە لە ڕێگەی خوێندنی ئاسایی و نائاسایی، و خوێندنی ئۆنلاین یاخود خوێندنی دەرەکی، دەتوانن دەستیان بە خوێندن بگات و دووبارە بەردەوامی بە خوێندنیان بدەن.
وەزیری پەروەردە ئاماژەی بەوەش دا كە ئەم هەڵمەتە بۆ ماوەی 40 ڕۆژ لە ڕێکەوتی دەستپێکردنی بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.