نێچیرڤان بارزانی سه‌رۆكی هه‌رێمی كوردستان په‌یامێكی سه‌ره‌خۆشی بۆ كۆچیی دوایی د.ئاشتی هه‌ورامی بڵاوكرده‌وه.
له په‌یامه‌كه‌ی سه‌رۆكی هه‌رێمی كوردستاندا هاتووه، بۆ كۆچى دواييى خوالێخۆشبوو د. ئاشتى هه‌ورامى، وه‌زيرى پێشووى سامانه سروشتييه‌كانى حكوومه‌تى هه‌رێمى كوردستان، پرسه و سه‌ره‌خۆشيى قووڵم ئاراسته‌ى خانه‌واده و كه‌سوكار و هاوڕێ و هاوكارانى ده‌كه‌م، هاوسۆز و هاوبه‌شى خه‌ميانم. له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌موو لايه‌ك ببه‌خشێت.
نێچیرڤان بارزانی ده‌شڵێت، له ماوه‌ى كار و ئه‌ركه‌كه‌يدا، خوالێخۆشبوو د. ئاشتى هه‌ورامى، به لێهاتوويى و دڵسۆزى خزمه‌تى به هه‌رێمى كوردستان كرد و به شاره‌زايى و پسپۆرى و تواناكانى، ڕۆڵێكى گه‌وره‌ى له بنيتانانى ژێرخان و به‌ره‌وپێشبردنى كه‌رتى نه‌وت له هه‌رێمى كوردستاندا گێڕا. يادى به خێر و گيانى شاد بێت.
کۆمێنت (0)
تا ئێستا هیچ کۆمێنتێک نەکراوە.