وه‌زاره‌تی ئه‌وقاف و كاروباری ئایینی بڵاوی كرده‌وه به بریاڕی سەرۆکی حکوومەتی هه‌رێمی كوردستان سەرجەم مامۆستایانی وانەبێژ لە قوتابخانە ئایینییه‌كان كرانه گرێبەست.
ئه‌مڕۆ پێنجشه‌ممه 3ی 10ری 2024، وه‌زاره‌تی ئه‌وقاف و كاروباری ئایینی حكوومه‌تی هه‌رێمی كوردستان ڕاگه‌یاندراوێكی بڵاو كرده‌وه و تێیدا هاتووه، ئه‌مڕۆ مەسرور بارزانی، سەرۆکی حکوومەتی هەرێمی کوردستان بڕیاریدا سەرجەم مامۆستایانی وانەبێژ لە قوتابخانە ئایینییەکان بکاتە گرێبەست.
وه‌زاره‌ت ئاماژه‌ی به‌وه‌ش داوه، ئەو مامۆستایانە ماوەیەکی زۆرە بەشێوەی وانەبێژ لە قوتابخانە ئایینییەکان وانە دەڵێنەوە و خزمەتێکی زۆریان بە خوێندنی ئایینی کردووە لە ماوەی ڕابردوودا، لە پای ئەو خزمەت و ماندووبوونەشیان مەسرور بارزانی لە چوارچێوەی کارەکانی کابینەی نۆیەمی حكوومه‌تی هەرێمی کوردستان و خزمەتکردنی تەواوی چین و توێژەکانی کوردستان بڕیاریدا تەواوی مامۆستایانی وانەبێژ لە قوتابخانە ئایینییەکان بکرێنە گرێبەست.
کۆمێنت (0)
تا ئێستا هیچ کۆمێنتێک نەکراوە.