وەزارەتی پەروەردەی عێراق وادەی پەیوەندیكردنی مامۆستا و فەرمانبەرانی بە ناوەندەكانی خوێندن و دەستپێكردنی ساڵی نوێی خوێندنی (2024-2025) دیاری كرد.
وەزارەتی پەروەردەی عێراق لە گشتاندنێكدا كە ئاراستەی گشت بەڕێوەبەرایەتییەكانی پەروەردە لە پارێزگاكانی كردووە، وادەی پەیوەندیكردنی مامۆستا و فەرمانبەران بە ناوەندەكانی خوێندن و دەستپێكردنی ساڵی نوێی خوێندنی دیاری كردووە.
لە گشتاندنەكەی وەزارەتی پەروەردەی عێراق هاتووە: رۆژی 15ی ئەم مانگە مامۆستا و فەرمانبەران پەیوەندی بە ناوەندەكانی خوێندن دەكەنەوە، ئەگەر ئەو رۆژەش پشوو بوو، بۆ رۆژی دواتر پڕۆسەكە ئەنجام دەدرێت.
هەروەها هاتووە: رۆژی 22ی ئەم مانگە وەرزی نوێی خوێندنی (2024-2025) لە قوتابخانەكان دەست پێ دەكات.
لە هەرێمی كوردستانیش وەزارەتی پەروەردە رۆژی 24/9/2024ی وەك یەكەم رۆژی دەستپێكی ساڵی نوێی خوێندن دیاری كردبوو.
کۆمێنت (0)
تا ئێستا هیچ کۆمێنتێک نەکراوە.