ئەنجوومەنی وەزیرانی عێراق بڕیاری دا رۆژی سەرەتای هەفتەی داهاتوو پشووی فەرمی بێت لە سەرتاسەری عێراق بەبۆنەی یادی لەدایكبوونی پێغەمبەری ئیسلام حەزرەتی محەمەد (دروودی خوای لەسەر بێت)، پشووەكە هەرێمی كوردستانیش دەگرێتەوە.
لە كۆبوونەوەی ئەمڕۆ سێشەممەی ئەنجوومەنی وەزیرانی عێراق بڕیاردراوە رۆژی یەكشەممە رێكەوتی 15ی ئەیلوولی 2024، لە سەرجەم فەرمانگەكانی حكوومەت پشووی فەرمی بێت بەبۆنەی یادی لەدایكبوونی پێغەمبەری ئیسلام حەزرەتی محەمەد (دروودی خوای لەسەر بێت).
بەگوێرەی رۆژژمێری حكوومەتی هەرێمی كوردستان، رۆژی یادی لەدایكبوونی پێغەمبەر (دروودی خوای لەسەر بێت) لە 15/9/2024 وەك پشووی فەرمی لە سەرجەم دامودەزگاكانی حكوومەت دیاری كراوە.
کۆمێنت (0)
تا ئێستا هیچ کۆمێنتێک نەکراوە.