ئەنجوومەنی وەزیرانی عێراق، زیادکردنی دەرماڵەی دەستەی حەشدی شەعبی پەسەند کرد.
نووسینگەی ڕاگەیاندنی سەرۆکوەزیرانی عێراق لە ڕاگەیاندراوێکدا ئاماژەی بەوەداوە کە لە دانیشتنی ئاسایی ئەنجوومەنی وەزیراندا، دەنگ دراوە لەسەر زیادکردنی دەرماڵەی دەستەی حەشدی شەعبی بۆ ساڵی 2024، ئەوەش بە ئامانجی دڵنیابوون لە دابینکردنی مووچەی ئەندامانی حەشدی شەعبی.
بەپێی زانیارییەکان لە بوودجەی گشتی عێراق بۆ ساڵی 2024، چوار تریلیۆن و 556 ملیار و 611 ملیۆن دینار وەک بوودجە بۆ دەستەی حەشدی شەعبی تەرخانکراوە کە سێ تریلیۆن و 868 ملیار و 194 ملیۆن دیناری بۆ مووچەی ئەندامانی حەشدی شەعبییە.
کۆمێنت (0)
تا ئێستا هیچ کۆمێنتێک نەکراوە.