ئەمڕۆ دووشەممە لە ناوچەی شێخییە لە شارۆچكەی سەلمان لەسنووری پارێزگای موسەننا دەستكرا بە هەڵدانەوەی گۆڕێكی بەكۆمەڵ و بەگوێرەی زانیارییەكان چاوەڕوان دەكرێ سەرجەم قوربانییەكان كوردبن.
گۆڕەكە بەر لە 6 ساڵ و لە ساڵی 2018 دۆزرابووەوە، بەڵام ئەمڕۆ دووشەممە بەفەرمی لەلایەن حەوت تیمی هاوبەشی عێراقی و نێودەوڵەتی دەست بە هەڵدانەوەی كرا.
بەگوێرەی ئەو زانیارییانەی لەلایەن حكوومەتی عێراق بڵاوكراونەتەوە، پێشبینی دەكرێ سەرجەم قوربانییانی گۆڕە بەكۆمەڵەكە كوردبن و لە هەشتاكانی سەدەی رابردوو لەلایەن رژێمی پێشووی عێراقەوە زیندەبەچاڵ كرابن.
كارەكان بۆ دەرهێنانی گۆڕە بەكۆمەڵەكە دەستی پێ كردووە و ماوەی چەند رۆژێك دەخایەنێت، پێشبینیش دەركرێت گۆڕە بەكۆمەڵەكە 70 بۆ 90 روفاتی تێدابێت.
کۆمێنت (0)
تا ئێستا هیچ کۆمێنتێک نەکراوە.