لە نێو ئەو تۆمەتانەی ئاراستەی دامەزرێنەر و بەڕێوەبەری باڵای تێلیگرام، پاڤڵ دورۆڤ کراوە کە لە فەڕەنسا دەستگیرکراوە، ڕەتکردنەوەی پێدانی زانیاری هەیە بە دەسەڵاتداران.
بەپێی هەواڵێکی ڕۆژنامەی "The Guardian" ى بەریتانی، ئەو تۆمەتانەی داواکاری گشتیی کۆماری پاریس، لاورا بيكواو ئاراستەی دورۆڤی کردوون بریتین لە؛ کاری نایاسایی، دەستدرێژی سێکسی بۆ سەر منداڵ، فریودان و ڕەتکردنەوەی پێدانی زانیاری بە دەسەڵاتداران.
بيكواو ئاماژەی بەوە کردووە کە دورۆڤ وەک بەشێک لە لێکۆڵینەوەی ئێکس کە لە پاش ئەو لێکۆڵینەوە سەرەتاییەی لەلایەن کارمەندانی بەرەنگاربوونەوەی تاوانە رێکخراوەکان ئەنجامدرا و لە هەشتی تەمووزدا کرایەوە، دەستگیرکراوە.
ئاماژە بەوە کرا دورۆڤ کە لێکۆڵینەوە لەگەڵیدا درێژەی هەیە 12 تۆمەتی جیای ئاراستە کراوە.
سەرکۆماری فەڕەنسا، ئیمانوێل ماکرۆن لە ڕاگەیاندراوێکدا لە هەژماری خۆی لە تۆڕی کۆمەڵایەتی بڵاویکردەوە، دورۆڤ لە چوارچێوەی لێکۆڵینەوە دادوەرییەکان لەبارەی تێلیگرام دەستگیرکراوە و، ڕایگەیاند: بەهیچ شێوەیەک بڕیارێکی سیاسیی نەبووە.
کۆمێنت (0)
تا ئێستا هیچ کۆمێنتێک نەکراوە.