وەزیری دەرەوەی ئێران، عەباس عراقچی ڕایگەیاند کە وەڵامی ئەوان بۆ ئیسرائیل، دوای كوژرانی سەرۆکی مەکتەبی سیاسی بزووتنەوەی حەماس، ئیسماعیل هەنییە لە تاران "ورد، حیساب کراو و حەتمی دەبێت".
عەباس عراقچی لە ھەژماری تایبەتی خۆی لە تۆڕی کۆمەڵایەتی ئێکس ئاماژەی بەوەداوە کە لە پەیوەندییەکی تەلەفۆنیدا لەگەڵ وەزیری دەرەوەی ئیتاڵیا، ئەنتۆنیۆ تاجانی قسەی کردووە.
بەپێی زانیارییەکان لە پەیوەندییە تەلەفۆنییەکەدا، وەزیری دەرەوەی ئیتاڵیا داوای لە ئێران کردووە کە لە ھەمبەر ئیسرائیلدا دان بەخۆدا بگرێت.
عەباس عراقچی لە وەڵامی داواکەی ئەنتۆنیۆ تاجانی ڕایگەیاندووە: "وەڵامی ئێران بۆ ھێرشە تیرۆریستییەکەی ئیسرائیل لە تاران، ورد، حیساب کراو و حەتمی دەبێت".
ھەروەھا وەزیری دەرەوەی ئێران نووسیوویەتی: "ئێمە لە پەرەسەندنی گرژییەکان لەسەر ئاستی ھەرێمی ناترسین، بەڵام بە پێچەوانەوی ئیسرائیل ھەوڵی ئەوە نادەین".
کۆمێنت (0)
تا ئێستا هیچ کۆمێنتێک نەکراوە.