بەرێوەبەری گشتیی تەندروستیی سلێمانی رایدەگەیەنێت، حاڵەتەكانی سكچوون و ڕشانەوە بەشێوەیەكی ترسناك لە پارێزگای سلێمانی زیادیان كردووە و بەهۆیەوە مەترسی بڵاوبوونەوەی پەتای كۆلێرا دەكرێت.
د. سەباح نەسرەدین بەڕێوبەری گشتی تەندروستی سلێمانی لە كۆنگرەیەكی ڕۆژنامەوانیدا گوتی: حاڵەتەكانی تووشبوون بە سكچوون و رشانەوە لەناو پارێزگای سلێمانی و داخڵبوون لە نەخۆشخانەكان بەشێوەیەكی ترسناك زیادیان كردووە و گومانی بڵاوبوونەوەی پەتای كۆلێرا دەكرێت.
گوتیشی: پشكنینەكان نێردراون بۆ بەغدا بۆ پشتڕاستكردنەوەی بڵاوبوونەوەی پەتای كۆلێرا یاخود بە پێچەوانەوە.
هەروەها گوتی: ئەو پەتای سكچوونەی ئێستا لە پارێزگای سلێمانی بڵاوبووەتەوە و زیادی كردووە و ئاسایی نیە، كەسی تووشبوو تووشی كارەساتێكی گەورە دەكات و گورچیلەكانیان لەكاردەكەوێت.
بەڕێوەبەری گشتی تەندروستی داواشی لە هاووڵاتییان كرد دووربكەونەوە لە بەكارهێنانی ئاوی پیس و خواردنی سەوزە لەم كاتەدا، چونكە دەركەوتووە زۆرینەی سەوزەكان بە ئاوی قورس ئاودەدرێن و شیاوی بەكارهێنان نین.
کۆمێنت (0)
تا ئێستا هیچ کۆمێنتێک نەکراوە.