بەرگریی شارستانی سۆران رایدەگەیەنێت، زیاتر لە 14 تیمی بەرگریی شارستانی بەشدارن لە كۆنتڕۆڵكردنەوەی ئەو ئاگرەی ئێستا لە چیای زۆزك كەوتۆتەوە، بەڵام تا ئێستا كۆنتڕۆڵ نەكراوە.
بەرگریی شارستانی سۆران بڵاوی كردەوە: لە کاتژمێر 3:30ی دوای نیوەڕۆی ئەمڕۆ چوارشەممە ئاگرێکی گەورە لە چیای زۆزک کەوتۆتەوە، زیاتر لە 14 تیم لە ئەفسەر و کارمەندانمان بەژداربوون بۆ کۆنتڕۆڵکردنی ئاگرەكە.
بڵاویشی كردەوە: بەداخەوە تا ئێستا نەتوانراوە ئاگرەكە بەتەواوەتی کۆنتڕۆڵ بکرێت.
ئاماژەی بەوەش دا كە لە ئێستادا چەند تیمێکی تریان زیاد کردووە، هەروەها دوو تیمی دیكەی پۆلیسی دارستان و ژینگەش بەشدارن.
بەرگریی شارستانی سۆران نەشی شاردەوە كە قەبارەی ئاگرەکە زۆر گەورەیە. جەختیشی كردەوە كە بەهۆی نەگەیشتنی ڕێگای ئۆتۆمبێل بۆ شوێنی ئاگرەکە ئەرکی تیمەکانیان زۆر سەختە.
تەئكیدیشی كردەوە كە بە هەموو شێوەیەك هەوڵی کۆنتڕۆڵکردنی ئاگرەكە دەدەن.
کۆمێنت (0)
تا ئێستا هیچ کۆمێنتێک نەکراوە.